الرئيسية
فمان الله ولا تبكي يا اغلى من سكن قلبي
نصيبي والقدر حاكم وأنا مثلك ترى محكوم
دخيلك لاتبكيني مهو ذنبك ولا ذنبي
ترى حظي بهالدنياأعيش بدنيتي مظلوم
..
..
عشقتك والعشق بلوى وغيرك ما وطا دربي
ومن حكم القدر كني صريع(ن) فالحشا مسموم
ولا ذقت الكرى لحظة ولا زادي ولا شربي
ودمعي ماوقف سيله وقلبي يالغلا مهموم
..
..
عقب حبك ولا بعشق ولا ابغي احد قربي
فراقك حطم احلامي ومن عقبك ترى مصدوم
ولا غيره برى عوقي ولا طبك ولا طبي
وأعيش العمر من عقبك مريض(ن) والهوا محموم
..
..
فراقك ما توقعته وأنا ببقى على حبي
ولين أرحل عن الدنيا تعيش بداخلي مرسوم
تذكرني ولا تنسى واذا هب الهوا غربي
تذكر من غدى عقبك محب(ن)ف الهوا مرحوم
..
..
وبدعيلك عسى تفرح وبدعيلي عسى ربي
يصبرني على همي وأعيش بدنيتي محروم
ياعيني من عقب خلي دخيلك بالدمع صبي
أبي أصبر على خل(ن)فريد(ن)بالملا محشوم
.
..
فمان الله ولا تبكي يا اغلى من سكن قلبي
نصيبي والقدر حاكم وأنا مثلك ترى محكوم
دخيلك لاتبكيني ماهو ذنبك ولا ذنبي
ترى حظي بهالدنيا اعيش بدنيتي مظلوم
دمتم بود....سلام الورد
